| abstract
| - Seguente la tradision roman, Romulo (771 aec - 717 aec) e sua jemelo Remo (771 aec - 753 aec) ia es la fundores de Roma e de la Senato roman. La istoriografia de aora considera falsa esta tradision, e dona la sentenio 7 como la data de la orijin de la site. Romulo e Remo, desendentes de Eneas, e netos de Numitor, ia funda la site la 21 april 753. Numitor ia es desponeda de la trono per sua frate, Amulio. La fia de Numitor, Rea Silvia, ia pari la jemelos, ci ia es considerada dui-divin. Le re nova ia teme la jemelos perce los ta prende la trono, donce el ia ordena afoca los. Un lupa ia salva e eleva los, e cuando los ia es bastante vea, los ia redona la trono de Alba Longa a Numitor. La jemelos alora ia funda sua propre site, ma Romulo ia mata Remo en un dispura re la locada de la rena roman, an alga fontes afirma ce la disputa ia es re ci ta governa o nomi la site. Romulo ia deveni la fonte de la nom de la site. Per atrae persones ala site, Roma ia deveni un refujeria per la escluida. Esta ia causa un problem a Roma, cual ia non ave femes. Romulo ia viaja a la sites e tribus visina e atenta securi diretos de sposi ma Roma ia ave multa nondesirada ce tota ia refusa. Un lejenda dise ce la romanes ia invita la sabines a un festa e ia ruba la femes nonsposida, causante la integra de la romanes e la sabines. Otra lejenda, recolieda par la istoriste Dionisio de Halicarnaso, dise ce Eneas ia gida un grupode troianes tra la mar per fundi la nova Troia, perce la orijinal ia es detruida pos la gera de Troia. Pos longa tempo en la mar, los ia ariva a la rivas de la Rio Tiber ma la omes ia vole reveni a la mar. La femes, ci ia viaja con los, ia non vole abandona la loca. Un fem, nomida Roma, ia proposa a la femes arde la barcos. Prima, la omes ia es coler con Roma, ma pronto ia reali ce los ia es en la loca ideal per coloni. Los ia nomi la colonia pos la nom de la fem ci torxi la barcos. La poesior roman Virjilio ia renara esta lejenda en sua poesia epica, la Eneida. Esta poesia nara como la prinse troian Eneas ia es destinada per la deos en sua emprende de fundi un Troia nova. En la epica, la fem ance ia refusa reveni a la mar, ma los ia no es abandonada en la Tiber. Pos ariva a Italia, Eneas, ci ia vole sposi Lavinia, ia debe declara gera contra Turno, la corteor presedente. Seguente la poesia, la res alban ia desende de Enes, e donce Romulo, la fundor de Roma, ia es de desendente.
|
![[RDF Data]](/fct/images/sw-rdf-blue.png)