| abstract
| - La crea es la narada prima de la Tora (per iudistes) Atesta Vea de la Biblia (per cristianistes). 1.
* En la comensa, Dio ia crea la sielo e la tera. 2.
* E la tera ia es un caos vacua, e la oscuria ia es supra la profonda, e la spirito de Dio ia suspende supra la acua. 3.
* E Dio ia dise: Ta ce la lus esiste! E la lus ia deveni esistente. 4.
* E Dio ia vide, ce la lus es bon. E Dio ia separa la lus de la oscuria 5.
* E El ia nomi la lus “dia” e la oscuria “note”. Ia ave un sera e un matina, los ia es la dia prima. 6.
* E Dio ia dise: Ta ce un solida esiste entre la acua, afin el separa la acua. 7.
* E Dio ia fa la solida e ia separa la acua su la solida de la acua supra la solida. E acel ia aveni tal. 8.
* E Dio ia nomi la solida “sielo”. Ia ave un sera e un matina, los ia es la dia du. 9.
* E Dio ia dise: Ta ce la acua de su la sielo colie se a un loca, afin la seca apare. E acel ia aveni tal. 10.
* E Dio ia nomi la seca “tera”, e El ia nomi la colie de la acua “mar”. E Dio ia vide, ce acel es bon. 11.
* E Dio ia dise: Ta ce la tera fa erbas crese, afin los trae semes e arbores cual dona seguente sua spesie, fruta de cual la seme es en se mesma sur la tera. E acel ia aveni tal. 12.
* E la tera ia fa erbas crese, afin los trae semes, seguente sua spesie, e arbores cual dona fruta, de cual la seme es en se mesma seguente sua spesie. E Dio ia vide, ce acel es bon. 13.
* Ia ave un sera e un matina, los ia es la dia tre. 14.
* E Dio ia dise: Ta ce lampas esiste sur la solida de la sielo, per separa la dia de la note, e per dona sinias de tempos, dias e anios 15.
* e ia ave lampas sur la solida de la sielo, afin los brilia supra la tera. E acel ia aveni tal. 16.
* E Dio ia fa la du lampas grande: la plu grande per governa la dia e la plu peti per governa la note e la stelas. 17.
* E Dio ia pone los sur la solida de la sielo, afin los brilia supra la tera 18.
* e ia governa la dia e la note, e ia mostra la difere entre la lus e la oscuria. E Dio ia vide, ce acel es bon. 19.
* Ia ave un sera e un matina, los ia es la dia cuatro. 20.
* E Dio ia dise: Ta ce la acua fa animales, esentes vivente aveni, e ta ce avias vola supra la tera su la solida de la sielo. 21.
* E Dio ia crea la balenas grande e tota animales, cual vive e xama en la acua, cada seguente sua spesie, e tota avias con alas, cada seguente soa spesie. E Dio ia vide, ce acel es bon. 22.
* E Dio ia bondise los e ia dise: Ta ce vos es fertil e ta ce vos deveni multe, e vos pleni la acua de la mares, e ta ce la avias deveni multe sur la tera. 23.
* Ia ave un sera e un matina, los ia es la dia sinco. 24.
* E Dio ia dise: Ta ce la tera produi esentes vivente, cada seguente sua spesie: bestias a pasto, rampores, e animales vivente sur la tera, cada seguente sua spesie. E acel ia aveni tal. 25.
* E Dio ia crea la animales de la tera, cada seguente sua spesie, e la bestias a pasto, seguente sua spesie, e tota rampores de la tera, cada seguente sua spesie. E Dio ia vide, ce acel es bon. 26.
* E Dio ia dise: Ta ce nos crea un umana, seguente nos imaje, simil a nos, afin el governa supra la pexes de la mar, e supra la avias de la sielo e supra la bestias a pasto, e supra tota rampores, cual rampa sur la tera. 27.
* E Dio ia crea la umana seguente sua imaje, seguente la imaje de Dio El ia crea el; en forma de om e fem, El ia crea los. 28.
* E Dio ia bondise los e ia dise a los: Ta ce vos es fertil e deveni multe, e ta ce vos pleni la tera e vos doma el, e ta ce vos governa supra la pexes de la mar, e supra la avias de la sielo, e supra tota animales, cual move sur la tera. 29.
* E Dio ia dise: Vide, me ia dona a vos tota erbas, cual dona semes, cual es sur la tera intera, e tota arbores cual dona frutas traente semes; tota acel es vos comeda. 30.
* Ma a tota animales sur la tera, e a tota avias de la sielo, e a tota rampores sur la tera, cual ave vive en se mesma, me ia dona tota erbas verde como comeda. E acel ia aveni tal. 31.
* E Dio ia vide tota, cual El ia crea, e El ia vide, ce acel es multe bon. Ia ave un sera e un matina, los ia es la dia ses. (traduida de la Biblia de L.L.Zamenhof)
|
![[RDF Data]](/fct/images/sw-rdf-blue.png)