| rdfs:comment
| - Asi es la testo de la Final Speech of the Great Dictator ("la parla final de la autocrata grande"), presentada par la carater Jewish Barber ("capelor iudi") en la filma de 1940 The Great Dictator, par Charlie Chaplin. (Tradui par jorj) Pardona, ma me no desira es un imperor. Acel no es me comersia. Me no vole rena o vinse cualcun. Me ta gusta aida tota persones, si posible - iudis, cristianes, negras, blancas... An aora, me vose estende a miliones tra la mundo, miliones de omes, femes, e enfantes peti, vitimes desperante de un sistem cual fa ce umanas tortura e prisoni persones inosente.
|
| abstract
| - Asi es la testo de la Final Speech of the Great Dictator ("la parla final de la autocrata grande"), presentada par la carater Jewish Barber ("capelor iudi") en la filma de 1940 The Great Dictator, par Charlie Chaplin. (Tradui par jorj) Pardona, ma me no desira es un imperor. Acel no es me comersia. Me no vole rena o vinse cualcun. Me ta gusta aida tota persones, si posible - iudis, cristianes, negras, blancas... Tota de nos vole aida la un la otra. Esta es la natur de umanas. Nos vole vive par la felisia mutua, no la miseria mutua. Nos no vole odia e despeta la un la otra. En esta mundo, on ave spasio sufisinte per cadun. E la bon tera es rica e pote furni per cadun. La via de vive pote es libre e bela, ma nos ia perde la via. Avaria ia veneni la spiritos de umanas; lo ia impedi la mundo con odia; lo ia marxa nos a miseria e la versa de sangue. Nos ia developa rapidia, ma nos ia clui nos a en. Macinas cual dona abunda ia abandona nos en manca. La nos sabe ia fa ce nos deveni sinica; nos astutia ia fa ce nos deveni dur e noncompatiosa. Nos pensa tro multe e senti tro poca. Plu ca macinas, nos nesesa umania. Plu ca astutia, nos nesesa compatia e jentilia. Sin esta cualias, vive ta es violente e tota va es perdeda. La avion e la radio ia trae nos a plu prosima, la un a la otra. La natur de esta inventas clama per la bonia en umanas; lo clama per fratia universal, per la unia de tota de nos. An aora, me vose estende a miliones tra la mundo, miliones de omes, femes, e enfantes peti, vitimes desperante de un sistem cual fa ce umanas tortura e prisoni persones inosente. A los ci pote oia me, me dise "no despera". La miseria cual es aora de nos es no plu ca un pasa de avaria, la amargia de omes cual teme la via de la progresa umana. La odia par omes va pasa, e la autocratas va mori, e la potia cual los prende de la popla va reveni a la popla. E tan longo ce omes mori, libria va mori nunca. Soldatos! No dona vos mesma a brutas, omes ci despeta vos e sclavi vos; ci rejimenti vos vive, ci dise a vos cual vos debe fa, cual vos debe pensa, cual vos debe senti! Los ci eserse vos, ci trata vos como boves, ci usa vos como carne per la canones! No dona vos a esta omes nonatural - omes macinal con mentes macinal e cores macinal! Vos no es macinas! Vos no es bestias! Vos es umanas! Vos ave la ama de umania en tu cores! Vos no odia! Sola la nonamada odia, la nonamada e la nonatural. Soldatos! No batalia per sclavia! Batalia per libria! En la capitol des-sete de san Luca es scriveda "la rena de Dio es en la umana", no un person o un grupo de persones, ma en tota persones! En vos! Vos, la popla, ave la potia per fa esta vive libre e bela, per fa esta vive un aventura merveliosa. Alora, en la nom de democratia, ta ce nos usa acel potia. Ta ce tota de nos uni. Ta ce nos batalia per un mundo nova, un mundo brava cual va dona la oportunia per labora, cual va dona a jovenes un futur, e a veas un securia. Par la promete de esta cosas, brutas ia asende a potia. Ma los menti! Los no completi se prometes. Los va completi los nunca! Autocratas libre se mesma ma los sclavi la popla! Aora, ta ce nos batalia per completi acel promete! Ta ce nos combate per libri la mundo! Per elimina la bordas de nasiones! Per elimina avaria, odia, e nontolera! Ta ce nos combate per un mundo de razona, un mundo do siensa e progresa va gida a la felisia de tota umanas. Soldatos, en la nom de democratia, ta ce tota de nos uni!
|
![[RDF Data]](/fct/images/sw-rdf-blue.png)