abstract
| - Un proposa ajetival (acc proposa de relata) es un proposa cual es usada como un ajetivo en la proposa major, e cual altera un de la nomes o formulas nomal en la proposa major. En lfn e multe otra linguas, la loca en la proposa ajetival cual ta es ocupada par la nom en la proposa major es representada par un pronom de relata o, a alga veses, par un averbo de relata. Esemplos:
* La om ci ia abita asi ia vade a Nu Iorc.
* La poma cual ia cade de me saco es aora noncomable.
* La can, cual ave manxas negra, ia morde la polisior.
* Me padre, ci ia jubila, abita en Mexico.
* Esta jus, cual Ana ia fa, ave un bon sabor.
* La fem ci me ama veni de Frans.
* La robot cual me ia construi no opera.
* Nos ta vade a me casa, cual es prosima.
* La fem de ci nos parla labora a me ofisia.
* Tu libro, en cual me ia scrive se nom, es sur la table.
* Esta fem, de ci se sposo labora en la banco, es un cocor eselente.
* Me auto, de cual se motor es rompeda, es aora dejeto.
* El pote salta a un metre alta, cual ia surprende me.
* Me come en Paris, do me abita.
* El va visita en Julio, cuando la clima es bon.
* Acel es la razona per ce Juan ia parti.
|