| abstract
| - par Luc de Barochez, en Le Figaro, 13 april 2004 (tradui par gb) Seguente la narada de la biblia, la multiplia de numero de linguas supra la tera es la fruta de un puni de Dio per la omes ci ia construi un tore ce ta asenda a la siel: la tore de Babel. Si es un loca a la monde do esta maldise es un flajela dial, esa no es plu Babel, ma Brusel. Con 11 linguas(1) en la Europa de la 15, la opera de la organizas es complicada. Con 9 plu(2) en la Europa de 25, la rompetesta deveni prosima nonsolvable. Mesma la ONU no usa plu ce 6 linguas! Es 20 en Europa tota, incluinte turces, si Sipre va es reunida ante 1 maio.(3) La Uni Europa (UE) vanta de usa tan linguas, mesma si esa es a multe veses un jargon tecnical. 'Nos es la sola organiza en la mundo do la xef es aplicada ce tota la linguas es egal," esplica Karl Johan Lonnroth, la diretor jeneral de la tradui de la Comite de Europa. 'Es la demanda funda ce veni de nos model social per Europa, de nos projeta de pas.' Cada sitizan de Europa debe ave asesa, en se lingua, a testos e desides de la UE. "La majoria de Europeans no parla plu ce se lingua propre. Si los no comprende ce nos fa, esta aumenta ance ora la manca de democrasia.' sulinia Karl Johan Lonnroth. E ance ora, la linguas de minorias nasional no es considerada. Si los ta es incluida, nos es nesesa 40 linguas en la Europa de 25...' La UE es la plu enorme estende de negosia politica de mundo. A la mesma ora, el es ance un empresa florinte de tradui e interpreta. Sirca tre milion pajes es produi cada anio par la servis de tradui de la Comite. Plu ce 11 000 reunis per anio debe es interpretada, sin considerante la Parlamento de Europa. La costa va deveni pronto proibinte, sabente ce un sistem completa de tradui sirca 20 linguas nesesa la presente de 60 interpretores. Esta ora, cada interpretor costa 660 euros per dia. Con la grandi de la Uni, la tota costa de multilinguisme es supra la bara de un miliardo euros per anio, contra 700 a 800 miliones en realia. Esta es la preso de manteni la varia de linguas. Matematical, con 20 linguas, es posable 380 combinas (esti - portuges, majar - suomea, e plu tal). Nesesa xerca multe oras per trova un interpretor capas de tradui de elinica a latvisce or de slovenian a malti. En un modo, la insula poca de Malta ta susede imposa se lingua, a la ora de la negosias de junta, como un lingua ofisial de la Union. E grandinte la problem, la traduores e la interpretores ta nesesa usa plu e plu 'la linguas medial.' Per esemplo, esti debe es traduida primo a engles ante es traduida a portuges. La risca es ce la contenidas de la comunicas va deveni plu povre e la eras va es multiplicada. Nonfasiles pratical e constrinjes economial junta per restrinje la multilinguisme. En la reunis ministral de la Consilio o la reunis grande de xefes de stato e de governa, la interpreta es esensal. Cada proposa de la Comite de Europa es traduida a tota la linguas de la Union. A la Parlamento de Europa, en la conserna per democrasia, cada minstro pote parla e comprende en se lingua propre la presentas de la otras. Es tota diferente en la reunis interna de la organizas o en la grupos laborante de la Consilio. Ala, engles es imposada como la lingua dominante de comunicas, en loca de franses, ce domina en la prima desenios de la uni de Europa. Es un demanda a otra partes de 'un engles de cosina,' povre e tro simple, ma comprende par multes, como 'la latina de cosina' de la eda medieval. En la grupos laborante de la Consilio, sola la enviadas ci demanda un interpreta gania un interpreta. Los va consede de esta ora un sofito economial anial. 'Nos defende la idea de nesesas real,' esplica la diretor jeneral de servises de interpreta, Marco Benedetti. 'Per ce interpreta es un donada rara e cara, es nesesada limita la usa a los ce nesesa esa. Esta complica la labor de la empleadas de statos. Per esemplo, per un reuni tecnical supra la nivel de sona de cortierbas, es ce es preferada, per defende la intereses nasional de Frans, envia un esperto ci sabe a fundo la demanda, o el ci sabe parla engles plu bon e con la sutilia nesesada per convinse se cameradas? La person ci pote esprime se e ci es esperto en se lingua ave un vantaje supra la otras. A Brusel de oji, como en edas pasada en Babel, la capas lingual es prima un demanda de potia.
|
![[RDF Data]](/fct/images/sw-rdf-blue.png)