| abstract
| - Testos de Chico Buarque traduida par Patrick Chevin DANSA DE LA BALETISTE Xercante curios Cadun ave alga feri Marca de variola o vasin E ave diarea, ave verme ave ameba La baletiste no ave los E no ave rasca No fungo no veruca E no manca de manera No ave los Xercante curios Cadun ave ja pioios O un odor de creolina Cadun ave un frate con duistrabisme La baletiste no ave los No ungia encarnida E no dente susida No feri malsanida No ave los E Nun es esenta Cada un ave secrete Cuando velia a la matina Ave scarlatina O ave ja febre jala La baletiste no ave los E teme de asende E teme de cadente Teme de vertigo No ave los Xercante curios Cadun ave ja un peca Pos cuando la misa es finida Cadun ave un amoreta a ves prima La baletiste no ave los Susia pos la orela E mustax de grosela Pantaleta poca vea No ave los An la relijios Pote an roji subita Si la venta leva la roba Regardante curios, cadun ave alga pelos La baletiste no ave los Sala sin mobilas Gotea en la platos Problemas de familia Ci no ave los Xercante curios Cadun ave los... TOTA LA EMOSIA Me nesesa velia Asta ce se consuma La tempo De nos Me nesesa gida Un tempo de ama tu De ama tu lenta E zelos Me vole descovre A la momento final Un tempo ce refa esta ce ia desfa Ce recolie tota la emosia E pone en la corpo a un ves plu Me promete ama tu Asta ce la ama Maladi Maladi Me prefere parti A tempo de nos pote Separa nos de nos Pos perde tu Me encontra tu serta Cisa a un tempo delicata En cual nos va dise no cosa No cosa ia aveni Me va sola continua, como encantada A lado de tu ME IA PENSA AN... Asta me strada, ia ave un bosce Ce un muro alta ia proibi Ala tota bal ia cade, tota poma ia nase E la proprior de la bosce ia no vide A la otra lado tan multe aventuras E me, espetante en la note oscur Tocante esta melodia La felisia ia abita tan visina Ce bobo me ia pensa an ce tu ia es de me Asta me, ia abita me amada Con oios clar como la dia Ala me regarda ia vive de sonia e fantasia E la proprior de la oios ia no vide A la otra lado tan multe aventuras E me, espetante la teneria Cual nunca ia veni engana me Me ia es pobre, tan pobre de caresa Ce bobo me ia pensa an ce tu ia es de me Tota dole de la vive ia ensina me esta melodia Ce bobo me ia pensa an ce tu ia es de me ROSA DE LA VENTAS E de la ama on ia cria la scandal De la teme on ia crea la trajedia En la fas on ia pinti la palia E no ia rola un sola larma An no un lamenta Per aida E en nos ia veni la abitua De pasea tra la oscuria De murmura entre la plias De estrae lete de la petras De vide la tempo freta Ma su la dormi de sentenios Ia matini la drama Como un pluve de petales Como si la sielo vidente la tristia Ta mori de tristia E pluve la pardona E la cautia de la sajas An no ia osa reteni en se labios La surie e la pasiona Car inondante con flores La calmia de la lagos ia coleri La rosa de la ventas ia peri La leto de la rios ia pleni E acua dulse inonda veni La amargia de la mar En un inonda amazonica En un esplode atlantica E la fola vidente en panica E la fola vidente atonica An si tarda Se velia ANJELICA Ma ci es esta fem Ci canta sempre esta rima? Me sola vole osila ultima Me fio en la oscuria de la mar Ma ci es esta fem Ci canta sempre esta lamenta? Me sola vole recorda la tormenta Cual ia entera me fio en la mar Ma ci es esta fem Ci canta sempre a un mesma model? Me sola vole covre me anjel E lasa el reposa en la mar Ma ci es esta fem Ci canta como on toca la campana? Me vole canta per me fio vana Car el no pote canta en la mar Ma ci es esta fem Ci canta sempre esta rima? Me sola vole osila ultima Me fio en la oscuria de la mar ME FIAS Regarda me fias Los es me fias Do es ce los vade Si sorti sola ja La notas de me canta Vade ance me fias Portante destinas Luminada de si Los pasa asta me E turba la linias De me mano Me fias es de me Sola de me en me ilude En la canta cristal De la mina imajinal E pote la tempo Marca se vias En la fases Con la linias De la notes de no E pote la solitaria Maltrata la fias Me fias, no Me fias es de me Sola de me Los es la fias De me cor FOTO BLANCA E NEGRA Me conose ja la pasos d'esta via Sabe ce no va ariva Se secretas me conose ja Me conose ja la petras de la via E sabe c'ala solitar Me va deveni tan plu mal Cual pote me contra l'encanta De la ama cual me nega tan Evita tan e cual an tal Reveni sempre encanta me Con se mesma fatos vea triste Cual con ostina me insiste Colie en me fotos personal Ala vade me de nova com' un fol Xercante acel desconsola Cual me tro conose ja Dias nova triste, notes clar Leteras, strofes, O! me cara A un plu ves me scrive a tu Per dise ce esta es pecosa Me trae la peto marcada Con recordas de la pasada E tu sabe per cual cosa Me va colie un soneto plu Un foto blanca e negra plu Cual maltrata a plu me cor. BRUNETA CON OIOS DE ACUA Bruneta con oios de acua Retira tu oios de le mar Veni vide la surie cual valua La vive cual per tu me garda Reposa sur me povre peto Cual nunca fronti la mar Ma cual ave un abrasa streta, bruneta Cual no cosa plu separ' Veni oia naras bela Cual me fa per tu, insone Veni sabe naras de mar, bruneta Cual sola me conose Bruneta con oios de acua Retira tu oios de l'mar Veni vide la surie cual valua La vive cual per tu me garda Tu om, el ia vade via Dise ce reveni va Ma la ondas no ave oras, bruneta De departi o de ariva Pasa velas e vade via E la tempo sin reteni Ma me canta prea ancora, bruneta Aora, bruneta, veni! Bruneta con oios de acua Retira tu oios de l'mar Veni vide la surie cual valua La vive cual per tu me garda SABIÁ (Turdo de Brasil) Me reveni va Me sabe ce nova Me reveni va Asta me loca Ia es ala E es ancora ala Ce me vole oia Un sabiá Me reveni va Me sabe ce nova Me reveni va Reposa en la ombra De un palma Cual no es ja Colie la flor Cual no flori ja E alga ama cisa Pote asusta Notes cual me no vole ia E proclama la dia Me reveni va Me sabe ce nova Me reveni va No, no va es vana Si me ia fa Desinias per me engana Como ia fa Enganas per me encontra Como ia fa Vias per es perdeda Me ia fa tota E tu, me no oblida CANTA PER LA UNIA DE AMERICA LATINA (Pablo Milanés / Varia par Chico Buarque) Ia es la nase de un mundo Retardada momental Ia es un corta interval De universa un secondo Ma ia pare ce an tal Fininte ja tota ia es Par la distantia mortal Cual ia separa nos vives Los ia reali la labora De desuni nos manos E fa ce frates alora Regarda la otra temos Con la anios pasada Ia cumula se la coler On oblida la amada On ia pare un stranjer Cual distantia tan dolos' Cual mundo tan separada Nunca ta es trovada Sin la vive de tota nos E ci garantia ce la istoria Es un caron abandonada A la borda de un via A un stasion iniorada La istoria es un auto joios Plen de poplas contente Cual crase noncurante Ci nega el, tota de los El es un tren cual rasca via Cual abri sur nova spasios Cual saluta con mil brasos Cual balansi nos familia Los ci se lus propre teni Nun susede estingui estas Se brilia pote ateni La oscuria de otra costas Ci ta impedi ce la flama Vade luminante la sena E ensendente la asembla E inventa otra trama ? Ci ta evita ce los ventos Bate portas malcluida Reversa tera malbateda E ateni nos lamentas ? Final ci paga la lamenta De la tempo ja perdeda De la vives cual costa ja E de los cual costa va ? Es lansada ja un stel' Per ci sabe persepi Per ci vole ateni E vade abrasante el Es lansada ja un stel' Per ci sabe persepi Per ci vole ateni E vade abrasante el
|
![[RDF Data]](/fct/images/sw-rdf-blue.png)