| abstract
| - Un eresia es un crede cual devia de alga crede ofisial o normal. Cuando autoriosas deside ce un crede es erese, los atenta elimina acel crede, comun incluinte la estrae de la credores ofendente (par esclui o un otra modo an plu mal). Natural, la ortodoxia de un person es la eresia de un otra. La plu de eresias cristian conserna la du problemes de la natur de la trinia e, plu spesifada, la natur de Jesus Cristo. La crede ofisial per esta du problemes (seguente tota eglesas catolica, ortodox, e protestante) es como esta: Dio es un trinia, tre persones ma sola un esense; Jesus Cristo ia es un person, a la mesma tempo umana (Jesus) e divin (Cristo). La fato ce esta du declaras no es multe razonada ia es videda como nonimportante. La trinia ia es videda como misteriosa e un caso de fida, no razona. Lo cual segue es oto eresias, estendente de setas cual vide Jesus Cristo como pur divin, a otras cual vide el como pur umana. Sabelianisme: Esta eresia es nomida per sua fundor Sabelio (sentenio du). Lo es alga veses clamada monarcisme modal. La padre, fio, e spirito santa es tre modos, roles, o fases de un person unica, Dio. Esta, natural, implica ce Jesus Cristo ia es pur divin, sin umania, e donce ce el no ia pote sufri e mori vera. Docetisme: La nom deriva de un parola elinica "dokesis", cual sinifia "pare". Seguente la mesma linias como sabelianisme, docetisme dise ce Cristo no ia es un umana vera e no ia ave un corpo umana real. El sola pare como un umana a nos. Per corti... Monofisisme: Esta nom deriva de parolas elinica cual sinifia "un corpo". Esta eresia dise ce Jesus Cristo ia es un junta de la Logos eterna (pd Dio) con la person umana Jesus, cual ia aveni a la tempo de incarne. El es donce du natures juntada en un corpo. Monofisitisme es ancora un crede vivente en alga setas en Egipte e Asia sude-ueste. Per corti... Adotisme: Adotisme dise ce Jesus ia es un umana ci ia es "adotada" par Dio a se conseti en la utero de Maria, a cual momento el ia developa un natur divin. Varias plu tarda a veses sujeste ce el ia es adotada plu tarda, per esemplo, cuando el ia es batizada par Joan la batiste. Per corti: Nestorianisme: Suposada, Nestorio, patriarca de Antioc (sirca 410), ia crede ce Jesus Cristo ave du natures - om e Dio - cual resta separada tra se vive sur tera. Esta no es vera cual Nestorio ia dise (an si el ia nega la idea de conseti virjin), ma la nom ia es retenida. On pote ancora trova alga eglesas nestorianiste en Iran. Per corti... Apolinarisme: Nomida per Apolinaris de Laodicea (sirca 350), esta eresia dise ce Jesus Cristo no ia es un umana vera, ma no ia es tota divin ance. Apolinaristes ia sujeste ce el ia ave un corpo umana e un spirito umana, ma ce se mente ia es prendeda par la Logos eterna (Dio). Per corti... Arianisme: Esta eresia es nomida per Ario (sirca 250-336), un prete en Alexandria. Arianisme es videda como la eresia la plu seria. Jesus Cristo ia es videda como un cosa spesial, creada par Dio per la salva de umania. Arianisme ia es la forma de Cristianisme cual la Gotos ia pratica, e lo ia es popular en tota areas cual los ia concista, incluinte Italia, Espania, e Africa norde. Sosianisme: Un varia de Arianisme es clamada sosianisme (de la parola latina "socius", cual sinifia "acompanior", e dise simple ce Jesus ia es un umana estracomun. Esta eresia vive ancora en du formas multe diferente: la unitarianes e la atestores de Iaue. Per corti...
|
![[RDF Data]](/fct/images/sw-rdf-blue.png)