| abstract
| - Multe adultes no sabe la fatos sur sesalia. Los ia oia e ia sperde malinforma e mitos. Desides fundada sur malinformas pote risca ensintia nonintendeda, maladias sesal comunicada o otra sufris nonnesesada.
* mito: Si tu ama algun, tu va vole fa la seso con el, fema o mas. --fato: La ama e la seso no es la mesma cosa. Ave multe maneras per mostra la ama estra fa la seso!
* Un fia no pote ensinti cuando el ave relatas sesal a la ves prima. --Fias pote deveni ensinta frecuente a la ves prima!
* Un fem no pote ensinti cuando el nuri de seno. --An si un fem no menstrua cuando el nuri, el pote ensinti!
* Ave un periodo asoluta secur per fa la seso en cual la seso no pote ensinti. --An si un fem es min propensada a ensinti en alga periodos de se menstrua, ave no periodo "asoluta" secur. Ave sempre la posablia per ensinti!
* Si la mas retira se penis de la vajina de un fema ante ce el ejacula (coitus interruptus, copula interompeda), es un bon modo per preveni ensinti. --Retira no es un modo susedos per preveni ensinti. An ante ejacula, la penis ta gotea semin ce pote conteni miles de spermas!
* Per preveni la ensintia, on ta fa la seso cuando stante, on ta urina pos fa la seso, o on ta salta a supra e a su pos fa la seso. --Nun de esta ativias ta susede!
* Mases ave un desira sesal plu forte e es plu interesada en la seso ce femas. --La libido de la fema es tan forte ce esta de la mas. Par tradision la sosia permete mases espresa se interesa en la seso a modo plu abrida.
* Sempre un mas vole e es preparada per fa la seso. --Alga mases no vole simple fa la seso. Los pote pensa ce la seso ante sposi es mal, o ce simple los no es bastante matura per maneja la seso. Ance mases ci fa la seso no es "sempre preparada" per el!
* Tu es omosesal si tu ia fa la seso con, o an ia ave un sonia sesal sur, algun de la mesma seso. --La jua sesal con amis de la mesma o un otra seso es comun ante o en la anios adolesente. Esta es ance la caso con sonias sesal. Estas no ta predise la orienta sesal futur!
* Masturba pote causa un numero de problemes fisical e mental. --Masturba es un parte normal, sana e nonosiva de la vive!
* Tu no pote ensinti durante la seso nonprotejeda si la om retira a estra ante ce el ejacula. --An sin ejacula, la sperma pote ancora es presente en alga gotas aderente ce el gotea durante plaser focos. La presentia de un sperma solitar sufisi per ensinti, e la licuida pote ance conteni infetas sesal comunicada. Alga omes no persepi ce los ia ejacula asta ce es tro tarda -- oblida tota en la felisia alta de la momento es fasil!
* Si la semin gotea tra un condom laserada, ensinti es serta. --La pil de doman (pos copula) debe es comensada en la 72 oras pos la seso; la aparato en la utero debe es instalada durante 5 dias pos la seso. El es usada sola en emerjensias, no como un prepara ante la seso!
|
![[RDF Data]](/fct/images/sw-rdf-blue.png)