Publio Vergilio Maro (70-19 AEC) ia es un poesiste roman, e la autor de la opera mestral Eneida, la peso de leteratur la plu influente en tota Roma antica. En 19 AEC, Vergilio ia comensa un viaja a Elas e Asia, con la intende de revisa la Eneida, e alora de dedica la resta de se vive en studia de filosofia. El ia deveni malada ante departi de Atina e ia mori pronto pos se ariva a Brundisio (aora Brindisi, Italia). La moda de la poesia Vergilian ia influe poesistes engles como Geoffrey Chaucer, Edmund Spenser, John Milton, e Alfred Tennyson.