La Iliada (elinica antica: Ἰλιάς) es un de du poesias epica de Elas antica cual on atribui costumal a Homero (esenta la otra la Odisea). On dati lo a la fini de la sentenio nove AEC o la sentenio oto. La nara aveni en la anio final de la Gera de Troia, combateda entre la elinicas e la sitizanes de Troia. Pos cuando Acile es insultada par se comandor xef, el retira se de la gera, lasante ce la gerores elinica sufri su la manos de la troianes. Acile refusa atentas de acorda, ma permete ce sua ami Patroclo gida la soldatos en loca. Pos la mata de Patroclo, Acile es furiosa, e el mata la comandor de la troianes, Hector.