La Atesta Vea e la Atesta Nova es la du partes de la Biblia, la libro santa de la cristianisme. La scrivedas de la Atesta Vea ave se orijina en la scrives santa de la iudis, la Tanac. Esta scrivedas ia es traduida de ivri a elinica en la sentenio 4 aec e ia veni de la cristianes como un parte de la Biblia. En la Eda Media, ambos partes de la Biblia ia es traduida a latina, e ia deveni la funda de la Biblia catolica. Per se tradui a deutx, Luther no ia usa esta, ma la scrivedas ivri orijinal. Esta es un causa de diferes entre la Biblias catolica e protestante.