Platdeutx (Plattdüütsch o deutx basa) es un lingua parlada en Deutxland norde e partes de Nederland este e Danmarc sude par sirca tre milion persones. La "platt" (basa) referi a la costas e planos basa de Deutxland norde, etc. Per ce el no ave un forma ofisial, multe persones crede ce platdeutx es no plu ce un dialeto de deutx. Ma el es un lingua separada, e es plu simile a nederlandes ce deutx. La parlores de platdeutx normal usa la lingua ofisial de se nasiones - deutx, nederlandes, o dansce - estra se familias e amis. Platdeutx es desendeda de deutx basa vea (o saxon vea) de la sentenio nove. Deutx basa media ia es la lingua franca de la alia de la Hansa, e ia es parlada sirca la Mar Norde e la Mar Baltica.