La lingua deutx es un lingua indo-european. El parteni a la familia lingual germanica, junta con engles, nederlandes, frisce, dansce, norsce, svensce e islansce. Deutx es parlada de sirca 100 milion umanas como linguamadre, e de sirca 28000 umanas como lingua du. El es parlada como lingua ofisial xef en Deutxland, Osteraic, e (plu a franses e italian) en Suiz. Los parla deutx ance en Lictenstain e Luxemburg, e en la areas bordal en Italia (Tirol-sude), Frans (Elsas), Beljia e Danmarc. Es sirca 20000 umanas en Brasil, ci parla deutx como linguamadre. La lingua deutx ave multe dialetos, divededa en deutx-basa (en norde), deutx-media, e deutx-alta (en sude).