La matematica es la siensa cual studia la motifes en la strutures de cosas astrata e la relatas entre los. La parola es derivada de μάθημα (mathema, "cosa aprendeda") en elinica. Matematica es esensal en multa campos, incluinte siensas natural, injenia, medica, finansia e siensas sosial. Matematica aplicada ia gida a multa disiplinas matematical nova, como statistica e teoria de jua. Matematicistes es ance envolveda en matematica pur, sin ave un aplica en mente.