La familia de linguas austronesian inclui sirca 1000 linguas, parlada par sirca 250 milion persones. Melaiu e indonesian (per la plu parte la mesma lingua) ave sirca 140 milion parlores. Otra esemplos es malagasi en Africa, tagalog en la Pilipinas, la linguas orijinal de Formosa (o Taiuan), e la multe linguas de la isolas Pasifica, de Hauai en la norde a maori en Zeland Nova. Teorial, la origin de la linguas austronesian es Taiuan (Bellwood, 1991). Multe linguas ia evolui de acel punto. Tagalog, indonesian, hauaian, tahiti, maori, e multe otras es membros de la familia lingual.