La linguas romanica es desendentes de la lingua latina comun, cual ia es diferente de la latina clasica de la leteratur roman antica. Entre 200 aec e 100 ec, la Impero Roman ia estende supra la plu de Europa sude, Africa norde, e Asia sude-ueste. Pos la cade de la Impero en la sentenio sinco, la latina comun ia comensa separe a multe dialetos, cual deveni aora la linguas roman moderna. Pos la sentenio 15, la imperos colonial de Espania, Portugal, e Frans estende se linguas tra la mundo, e oji, 2/3 de parlores de linguas romanica es estra Europa.