La Metta Sutta (sutra de compati), par Buda (Traduida par C.G. Boeree) El ci vole sabe pas, e ci persegui se bonstate, el debe es capas e justa, franca e jentil, umil e sin vania. El debe es sasiada en la vive simple, no cargada con cosas, mestre de se sentis, saja e sin orgulia, e no aderente a familia. El debe no fa un ata la plu poca cual la sajas ta condena, e el espera ce, tota viventes ta es felis, con joia e securia. El espera ce nun engana o depresa un otra, en cualce state, ce nun desira, con coler o malvole, ce un otra ta sufri.