Zeno de Elea (490-430 aec) ia es un filosofiste de Elea en Italia sude, e ia es un seguente de Parmenides. Zeno ia scrive un libro de paradoxes famos, incluinte la narada de Aciles e la tortuga: Prima, nos dona a la tortuga un comensa un o du metres en avansa de Aciles. Cuando Aciles ariva a la loca do la tortuga ia comensa, la tortuga avansa ja un poca plu de se comensa. Cuando Aciles ariva a esta punta nova de la tortuga, la tortuga avansa ja un poca plu de esta loca. Cada ora cuando Aciles ariva a la loca previos de la tortuga, la tortuga move ja un otra poca distantia. Donce, Aciles no pote pasa la tortuga, e la tortuga gania la corsa! La idea ultima de esta narada es ce la idea de move es vera un alusina.