La lingua suahili es un lingua bantu parlada par etnicas variosa ci abita estendes grande de la costa de Cenia norde a Mosambic norde, incluinte la isolas de Comori. An si sola sinco milion persones parla suahili como se lingua nativa, la cuantia completa de parlores es plu ca 60 milion persones, car lo es usada como un lingua franca en un parte grande de Africa este. Lo es un lingua nasional o ofisial en sinco nasiones: Tanzania, Cenia, Uganda, Comori, e la Republica Democrata de Congo. La ordina de parolas en un frase es sujeto-verbo-ojeto, como elefen.