Balgarsce (български език, IPA: [ˈbɤlgarski ɛzik]) es un lingua indo-european, de la familia slavica. Balgarsce ia es la prima lingua slavica ce es scriveda. El ia comensa es scriveda en la sentenio 9, usante la alfabeta glagolitica. Esta alfabeta ia es reponeda par la alfabeta cirilica en la sentenios seguente. Balgarsce ave cualias ce separa se de la otra linguas slavica, como la cade de la sistem de nomes, la cade de la nom verbal (o infinitivo), la usa de sufis per "la," e la reteni e developa de la sistem de verbos. Oji, es plu ce 10 milion persones (2007) ci parla Balgarsce, la plu en Balgaria.