Esta paje dona la regulas per transcrive parolas elinica usada en siensa, medica, filosofia, etc. Con poca esetas, elefen usa la mesma regulas per transcrive nomes propre de persones e locas de Elas antica. Estas ia es adotada en latina e, plu tarda, par tota linguas romanica, e se formas ia cambia en acorda con esta linguas. Elefen transcrive los en modo cual armoni bon con se otra speles. Leteras duple deveni singular. Nomes elinica cual fini con -s jeneral perde la -s. Per esemplo, "Alexandros" deveni "Alexandro", "Socrates" deveni "Socrate", etc. Otra finis es retenida.