Langue Nouvelle es la atenta prima de crea un lingua internasional a posteriori. La lingua ia es desiniada par Joachim Faiguet (1703 - 1780), ci ia es un economiste franses e un contribuor a la Encyclopédie famos. El ia inventa ance un forno portable per la armada e un pan composada de tre partes egal de trigo, segal, e patatas. La projeta no es plu ce un desinia, e la creador se mesma ia dise ce la labora de crea un vocabulo ta es per la sajas grande de tota Europa. Ma la gramatica es plu simple e fasil ce la plu cual segue! La pronomes personal es jo, to, lo, no, vo, e zo.