Misre (o Egipte) es un pais en Africa norde-este, con un parte en Asia sude-ueste. Misre es un pais de la Mediteraneo. Lo ave un de la istorias la plu antica de la mundo, comensante en la milenio des aec como un de la nasiones-statos prima. Regardada como la cuna de la sivilia, Egipte antica ia ave un de la developas prima en scrive, cultiva, crea de urbes, relijio organizada e governa sentral. Monumentos iconin como la Grande Sfinje de Giza e la ruinas de la Vale de la Res, refleta esta lega e resta un foca importante de studia arceolojial. La erita cultural rica de Egipte es un parte integral de se identia nasional, pos tolera e asorbe influes stranjer diversa, incluinte elinica, persian, roman, arabi, osmanian e european. An si lo ia es cristianida en la sentenio 1 ec, lo ia es muslimi