Capeta Roja es un fable antica de un fia peti e se encontra con un lupo. La narada plu conoseda es fundada en la varia de la Frates Grimm. Capeta Roja pasa tra la bosca per trae come per se ava malada. La lupo vole come la fio, ma no vole es videda par otras. El demanda de Capeta Roja do es la casa de se ava. La lupo vade a la casa de la ava e come el en un peso. Seguente, el desimili se como la ava e espeta per Capeta Roja. Cuando la fia ariva, la lupo engoli la fia, ance en un pesa. Un xasor ariva a la casa per aida la fia e la ava, catura la lupo e abri se stomaco, e relasa Capeta Roja e se ava. Miraclos, los no es ferida! Los pleni la stomaco de la lupo con rocas, e el mori.