La concepto de Deutxland como un area distinguida en Europa sentral pote es trasada a la comandor Roman Caius Julius Caesar, ci ia refere a la area este noncistada de la rio Rhine como Germania, distinguinte lo de la Galia, la cual el ia concista. La vinse de la tribus germanica en la batalia de la foresta de Teoburgo (anio 9) ia preveni la ajuntada par la Impero Roman. Seguente la cade de la Impero Roman, la francos ia concista la otra tribus germanica. Cuando la Impero franco ia es divideda entre la eritores de Charlemagne en 843, la parte este is deveni Frans Este. En 962, Otto 1 ia deveni la imperor un de la Santa Impero Roman, la stato deutx medieval.