Aristotele (elinica antica: Ἀριστοτέλης) (384 aec - 322 aec) ia es un filosofiste e scolar jeneral, un studiante de Platon e la instruor de Alexandro la grande. Se scrives ia covre multe sujetos, incluinte fisica, metafisica, poesia, teatro, musica, lojica, retorica, linguistica, politica, governa, etica, biolojia, e zolojia. Con Platon e Socrate (la instruor de Platon), Aristotele es un de la plu importante fundores de filosofia ueste. Se scrives ia es la prima cual crea un sistem completa de filosofia en Europa.