Seguente la regulas de elefen, nomes propre en ivri (e otra linguas) es normal transcriveda direta de la ivri. Ma car la Biblia es un testo multe internasional e la plu usada par parlores de linguas european, elefen usa formas cual sembla los de la linguas romanica. Jeneral, los es derivada de la formas de la Septuaginte, la tradui elinica de la Biblia de sirca 300 aec. Per esemplo, la fonem X, comun en ivri, es cambiada a S, como en elinica, cual no ave X. Ma la nomes segue ance alga normas de elefen: Per esemplo, I consonantal es transcriveda como J per es plu fasil per recognose par europeanes e otras.