La New Horizons ("Orizones Nova") es la sonda spasial (vide a destra), ce vade a la nanoplaneta Pluto e ambientes. El ia es lansada a 19 Janero 2006. Pos un vola prosima de Jupiter a 28 Janero 2007 (5:43:40 UTC), el va ariva a Pluto en Julio 2015, e donce el va deveni la astronave sinco ce departi de la sistem solal. Pos la encontra con Pluto New Horizons posable va vade a otra ojetos del Sintur Cuiper, ma aora la posablia de esta non es conoseda. Aora New Horizons es la sonda spasial la plu rapida en la sistem solal, con un rapidia (compareda a la Tera) de 16.21 km/s.