This HTML5 document contains 4 embedded RDF statements represented using HTML+Microdata notation.

The embedded RDF content will be recognized by any processor of HTML5 Microdata.

Subject Item

n2:

rdfs:label

La restorante a la fini de la universo

rdfs:comment

Capitol 15 de La restorante a la fini de la universo ("The Restaurant at the End of the Universe"), libro du de La manual per autostopa tra la galasia ("The Hitchhiker's Guide to the Galaxy") par Douglas Adams (1980). Traduida par Simon Davies (2011). Image:RestoranteALaFiniDeLaUniversa.jpg La restorante a la fini de la universo es un de la emprendes la plu estracomun en la istoria intera de la furni de come. On ia construi lo sur la restas fratida de... on va construi lo sur la restas... o plu esata lo va es ja construida ante esta tempo, e en fato lo ia es ja construida — Per recomensa:

dcterms:subject

n4:

n6:abstract

Capitol 15 de La restorante a la fini de la universo ("The Restaurant at the End of the Universe"), libro du de La manual per autostopa tra la galasia ("The Hitchhiker's Guide to the Galaxy") par Douglas Adams (1980). Traduida par Simon Davies (2011). Image:RestoranteALaFiniDeLaUniversa.jpg La restorante a la fini de la universo es un de la emprendes la plu estracomun en la istoria intera de la furni de come. On ia construi lo sur la restas fratida de... on va construi lo sur la restas... o plu esata lo va es ja construida ante esta tempo, e en fato lo ia es ja construida — Un de la problemes major cual on encontra cuando on viaja tra tempo no es lo de deveni acaso sua propre padre o madre. Deveni sua propre padre o madre leva no problemes cual no pote es manejeda par un familia libriste e bon ajustada. Cambias a la curso de istoria leva ance no problemes – la curso de istoria no es cambiable car tota partes de lo es fisable entre se como un puzel. Tota la cambias importante ia aveni ja ante la cosas cual los intende cambia, e la resulta es ce tota la caos reordina se mesma. La problem major pertine pur e simple a la gramatica, e la opera xef cual on ta consulta en esta situa es La aidamemoria de 1001 formas verbal per viajores tra tempo par dotor Dan Mostrastrada. Esta libro clari, per esemplo, como tu ta descrive un cosa cual ia es a punto de aveni a tu en la pasada, ante cuando tu ia evita lo par salta tra tempo a ultra la du dias seguente per evita lo. Tu ta descrive la aveni en modos diferente cual depende de esce tu refere a lo de la punto de vista de tua propre tempo natural, o de un tempo en la futur o pasada plu distante, e la descrive pote es ancora plu complicada car on pote fa un conversa an cuando on es ja viajante de un tempo a un otra, con intende de deveni sua propre madre o padre. La plu de lejores susede ateni la "futur semidependente alterada con suinversa plagal en pasada de sujuntiva intendente" ante sesa studia – e, en fato, en publicis plu resente de la libro, on ia lasa vacua tota pajes seguente per basi la preso de primi. La manual per autostopa tra la galasia traversa esta marania de astratia academial par un brinca lejera, pausante sola per nota ce on ia abandona la espresa "futur perfeta" pos descovre ce lo no es tal. Per recomensa: La restorante a la fini de la universo es un de la emprendes la plu estracomun en la istoria intera de la furni de come. On ia construi lo sur la restas fratida de un planeta ultima ruinada cual es (ta es ja esente) ensircada en un globo antitempo vasta e lansada tra la futur a la momento esata de la fini de la universo. Esta es, multe ta dise, nonposible. En la restorante, visitores senta se (ia ta va senta se) a table e gusta (ia ta va gusta) comes deletosa, e regarda (es pos va es regardante) la universo intera cual esplode sirca los. Esta, multe ta dise, es egal nonposible. On pote ariva (va es poteda de ariva ja cuandal) per cualce sesion desirada sin reserva presedente (eseda ante ja pasante), car on es permeteda de reserva retrospetante, si tu comprende, pos reveni a sua propre tempo (on ia ta va pote reserva ja reversantada ante sua posveni de revade re-ja a casa prepronto). Esta es, multe va insiste aora, completa nonposible. A la restorante, on pote encontra e come con (va es poteda de es encontr-ia-ada par e com-va-ente con) un sample fasinante de tota abitores de spasio e tempo. Esta, on pote esplica pasiente, es ance nonposible. On pote visita lo a tan multe veses como on vole (ia ta va es poteda de es ja eseda visitante va ia videnteda... e tal plu – per plu coretis de tempo, consulta la libro de dotor Mostrastrada) e es serta de encontra nunca se mesma, car un tal aveni causa comun un embarasa grande. Esta, an si la resta ta es vera – e lo no es vera – es evidente nonposible, la dutores dise. Si on pone sola un sentim en un conta de reservas en sua propre eda, cuando on ariva a la fini de tempo, la opera de interesa composada permete ce on paia la custa noncredable alta de sua comes. Esta, multe declara, es no mera nonposible ma clar demente, e per esta razona la companias de anunsia en la sistem de la stela Bastablon ia inventa esta slogan: "Si tu ia fa ja ses cosas nonposible a esta matina, fini la truco par un cafe con lete a Vialete, la restorante a la fini de la universo!"